Familjudagurin hjá Ættleiðingarfelagnum var í ár hildin sunnudag 22 mai í Sankta Frans skúla í Tórshavn.
Sólin skein oman og niðan. Ein hoppiborg varð sett upp úti í skúlagarðinum har børnini stuttleika sær óføra væl.
Í ár varð valgt at broyta skránna eitt sindur í mun til hvat vanligt hevur verið onnur ár.
Dagurin byrjaði kl. 15 við einum drekkamunni.
Eftir hetta bleiv aðalfundurin hildin. Formansfrágreiðingin var løgd fram. Nevndin vísti á arbeiði seinasta árið og virkisætlan felagsins bleiv løgd fram. Kassameistarin Hákun Andreasen og skrivarin Jóhann Lutzen stóðu fyri valið. Teir ynsktu báðir at halda á fram og blivu valdir aftur. Tiltakslimirnir eru Høgni Tausen og Durita Aabæk Hansen.
Natasha á Loftið greiddi frá um evni: – hevur húðalitur nakað at siga í uppvøkstrinum. og mamman Leila á Loftið greiddi frá hvussu tað var at arbeiða á einum barnaheimið í Indien.
At enda fingu vit náttura við einum kaffimunn við heimabakaðu køku omná, og so var leiðin sett heim aftur. Vit takka øllum teimum, ið vóru við og gjørdu dagin so væleydnaðan og hugnaligan 🙂
NEVNDIN
Comments are closed.