Bæði foreldur og børn hugnaðu sær óført. Tær báðar etiopisk føddu Betelhem úr Kvívík og Tezeta úr Leirvík greiddu frá um Etiopien. Eisini lærdu tær okkum etiopiskan dans – ella royndu í øllum førum og onkur bleiv hálaður út á gólvið til dans og rútmu 🙂 Á sjónbandi sóu vit flott flætta hár og etiopiskar tjóðarbúnar.
Menuin var etiopisk – injera og grýturættur. Annarleiðis, men sera vælsmakkandi og tey flestu dámdu væl. Matin hevði etiopiska Kittinesh búsitandi í Gøtu gjørt. Hesar vóru við á degnum og møttu upp í etiopiskum tjóðarbúnum og setti hetta sítt dám á dagin.
Ein sera væleydnaður og deiligur dagur. Børnini hugnaðu sær saman og sera stuttligt var at fáa hjálp frá etiopiskum kvinnum, takk fyri tað.
Annars takka vit fyri alla tað hjálp og vælvilja fólk vístu.
Vinarliga
Birita og Annie
Comments are closed.